Rhyfedd, rhyfedd gan angylion,
   Rhyfeddod fawr yng ngolwg ffydd,
   Gweld Rhoddwr bod, Cynhaliwr helaeth
   A Rheolwr pob peth sydd,
   Yn y preseb mewn cadachau
   A heb le i roi ei ben i lawr,
   Ac eto disglair lu'r gogoniant
   Yn ei addoli'n Arglwydd mawr.

   Pan fo Sinai i gyd yn mygu
   A sŵn yr utgorn uwcha' ei radd,
   Caf fynd i wledda tros y terfyn
   Yng Nghrist y Gair heb gael fy lladd;
   Mae ynddo'n trigo bob cyflawnder,
   Llond gwagle colledigaeth dyn;
   Ar yr adwy rhwng y ddwyblaid
   Gwnaeth gymod trwy ei offrymu ei hun.

   Efe yw'r Iawn fu rhwng y lladron,
   Efe ddioddefodd angau loes,
   Efe a nerthodd freichiau ei ddienyddwyr
   I'w hoelio yno ar y groes;
   Wrth dalu dyled pentewynion,
   Ac anrhydeddu deddf ei Dad,
   Cyfiawnder, mae'n disgleirio'n danbaid
   Wrth faddau yn nhrefn y cymod rhad.

   O! f'enaid, gw�l y fan gorweddodd
   Pen brenhinoedd, Awdwr hedd,
   Y greadigaeth ynddo'n symud,
   Yntau'n farw yn y bedd;
   C�n a bywyd colledigion,
   Rhyfeddod fwya' angylion nef;
   Gweld Duw mewn cnawd a'i gydaddoli
   Mae'r c�r, dan weiddi "Iddo Ef!"


   Diolch byth, a chanmil diolch,
   Diolch tra bo ynwy' i chwyth,
   Am fod gwrthrych i'w addoli
   A thestun c�n i bara byth;
   Yn fy natur wedi ei demtio
   Fel y gwaela' o ddynol-ryw,
   Yn ddyn bach, yn wan, yn ddinerth,
   Yn anfeidrol wir a bywiol Dduw.

   Yn lle cario corff o lygredd,
   Cyd-dreiddio �'r c�r yn danllyd fry
   I ddiderfyn ryfeddodau
   Iechydwriaeth Calfari;
   Byw i weld yr Anweledig,
   Fu farw ac sy'n awr yn fyw;
   Tragwyddol anwahanol undeb
   A chymundeb � fy Nuw.

   Yno caf ddyrchafu'r Enw
   A osododd Duw yn Iawn,
   Heb ddychymyg, llen, na gorchudd,
   A'm henaid ar ei ddelw'n llawn;
   Yng nghymdeithas y dirgelwch,
   Datguddiedig yn ei glwy',
   Cusanu'r Mab i dragwyddoldeb
   Heb im gefnu arno mwy.

Post this page to:

Comments

Name

E-mail (Will not appear online)

Title

Comment

All copyrights acknowledged with thanks to Wikipedia. Another site by 3Cat Design 2006-2008
Whilst we try to give accurate information, we accept no liability for loss or incorrect information listed on this site or from material embedded on this site from external sources such as YouTube.
If you do spot a mistake, please let us know.
Email: [email protected]